Времето не се враќа назад, не може да се врати пропуштеното, но ако сакаш да си помогнеш и по неколку години да не жалиш за ова лето тогаш:
- Престани да размислуваш колку килограми си бил/а лани или пред 2 години;
- Престани да правиш разлики како тогаш си се смеел/а, си изгледал/а помладо, а сега имаш брчки на цело лице;
- Престани да ги оживуваш спомените на задоволства од дружења од кои беше повреден/а односно потценет/а.
Не гледај назад и не мисли на тоа што беше, сега е време да гледаш напред и секој сегашен миг да го исполниш со радост и вистинско задоволство. Знаеш ли дека тешко можеш да се сетиш кога си се смеел на глас иако тоа било пред неколку дена, зашто си навикнат да ги помниш негативните ситуации.
Промени го тоа, сонувај мечтај за ова лето бидејќи може да биде незаборавно. Не преживувај во џунглата бидејќи да живееш не значи прави што сакаш и препушти се на инстинктите, ти не си животно. Живеј и царувај над џунглата, живеј благородно, достоинствено и во баланс за да траеш подолго од еден нов автомобил. Живеј свесно, вистински, тоа е дар од Бога.
Извадок од книгата „Биди поинаков“ од М-р Константин Кајшаров
