Што ќе готвиш денес? Можеби малку, можеби многу, можеби за повеќе или помалку луѓе, може ќе сервираш нешто што останало од вчера, но важно ли е? И печено јагне да има на масата, ако нема
љубов, сплотеност и Божји благослов, уста не ти се отвара, највкусното јадење
горчливо е.
Но ако со благодарност кон Бога ја благословиш храната во име на Исус, сплотени во
семејството седнати на трпезата полни во љубов, тогаш и леб и сол да има, послатко ќе
е од печено јагне. Нечии трпези се преполни со храна, но со празни столчиња, а некои трпези се скромни, но богати се со зафатени столчиња.
Денес не држи лутина кон никого, не гледај што недостига и што не е добро. Направи ја вкусна трпезата со тоа што ќе се насмееш и копнеејќи стално да има кој да седи на неа, ќе Го поканиш Бога да седне меѓу вас, а потоа во име на Исус ќе ја благословиш храната за намножување и за здравје на сите кои ја примаат. Благодатта нека те поттикне на благодарност и понизност кон Бога, насити се во заедништвото денес, радувај се секој миг.
М-р Константин Кајшаров
